స్థల యోగ
అన్ని శాస్త్రముల యొక్క ముఖ్య ఉద్దేశ్యము మానసిక, శారీరక, సాంఘీక పురోభివృద్ధియే!
ఆనందము పొందుటకు మన పూర్వీకులు ఆసన , ప్రాణాయామ క్రియలు యోగము ద్వారా మనకు అందించినారు.యోగాభ్యాసం ద్వారా మన శరీరములోని పంచభూతశక్తి పూర్తిగా వినియోగింపబడును. ప్రకృతి చికిత్సలోను పంచభూత శక్తిని పూర్తిగా వినియోగించుచున్నారు. ( భూమి - మట్టి పట్టీలు , జలము - తొట్టి స్నానము , అగ్ని - సూర్య నమస్కారములు , వాయువు - ప్రాణాయామము , ఆకాశము - ఉపవాసము ) ఈ ఒరవడిలో మనము నివశించు స్ఠలమునందు పంచ భూత శక్తుల స్థావరము గ్రహించుము.
భూమి : స్థలములోని ఎత్తు పల్లములు సరిచేయుట.
జలము : స్థలములోని జలమును వినియోగించుట. ఇది తూర్పు సూర్యనాడి , ఉత్తర చంద్రనాడుల సంగమ స్థానము.
అగ్ని : స్థలములోని అగ్నిని వినియోగించుట. ఇది తూర్పు సూర్యనాడి , దక్షిణ చంద్రనాడుల సంగమ స్థానము.
వాయువు : స్థలములోని వాయువును వినియోగించుట . ఇది ఉత్తర చంద్రనాడి , పడమర సూర్యనాడుల సంగమ స్థానము.
ఆకాశము : స్థలములోని ఆకాశ తత్వమును వినియోగించుట. ఇది పడమర సూర్యనాడి , దక్షిణ చంద్రనాడుల సంగమ స్థానము.
యోగాభ్యాసములో పంచభూతశక్తి ఏకీకరణతో మరియు సమతుల్యలతో లబించుచున్నది. మనము నివశించు స్థలములోని కుండలినీ శక్తిని గ్రహించుము.
మూలాధారము : భూమి :
స్థలము ఎత్తు పల్లములు సరిచేయుట. స్థలము దక్షిణ , పడమరలు మెరక , తూర్పు , ఉత్తరములు పల్లముగా ఉన్న ( గదులతో సహా ) మనము మన స్థలములోని " భూశక్తి " ని సద్వినియోగ పరచినట్లగును.
రంగు - ఎఱుపు ; పూజా విధానము - ధూపము ; బీజాక్షరము - " లం " ; జ్ఞానేంద్రియము - ముక్కు ; కర్మేంద్రియము - కాళ్ళు ; నివేదన - పెసర పప్పు అన్నము ; గ్రంధి - ప్రోస్టేట్ ; కూరలు - దుంపకూరలు ; పువ్వు - ఎఱుపు రంగువి ; ధాతువు - ఎముక ; యంత్రము - " లం , వం , శం , షం , సం " ; మంత్రము - మూలాధారాయ " లం " బీజా నమోనమః ; విగ్రహారాధన - అమ్మవార్లు , గ్రామ పొలిమేర దేవతలు .
సాధారణ లక్షణములు :
ముక్కు , ఎముకలు , కాళ్ళు , హెర్నియా , పక్షవాతము , మెదడు , ప్రోస్టేటు ట్రబుల్స్ , లింఫ్ గ్రంధులు , సైనస్ , మలబద్ధకము , నీళ్ళ విరేచనములు , భయము , పిరికి , మూర్ఖపు పట్టుదల , తన వరకు ఆలోచన , మానసిక భయము , సివిల్ మరియు ఎగ్రికల్చరల్ , పోరాడు పటిమ , హోర్డింగ్ .
స్వాధిష్టానము : జలము :
స్థలములోని జలశక్తిని వినియోగించుట . జలము స్థలములోని తూర్పు సూర్యనాడి , ఉత్తర చంద్రనాడుల సంగమము . స్థలము అన్ని భాగముల కంటే పల్లముగా నుంచవలెను . " బావి " స్థానము నీరు సైతము పల్లములోనే ఉండవలెను . వంశాభివృద్దిని కల్గించు స్థానము . దీనిలో సూర్యనాడి మగ సంతతి పైనను , చంద్రనాడి స్త్రీ సంతతిపై ప్రభావమును చూపును . రెండు నాడులలో ద్వారములు ప్రశస్తములు .
రంగు - ఆరంజ్ ; పూజా విధానము - తీర్థము ; బీజాక్షరము - " వం " ; జ్ఞానేంద్రియము - నాలుక ; కర్మేంద్రియము - చేతులు ; నివేదన - పెరుగన్నము ; గ్రంధి - టేస్టిస్ మరియు ఓవరిస్ ; కూరలు - క్యారెట్ ; పువ్వు - ఆరంజ్ రంగువి ; ధాతువు - కొవ్వు ; యంత్రము - " వం , బం , భం , మం , యం , రం , లం " ; మంత్రము - స్వాధిష్టాయ " వం " బీజే నమోనమః ; విగ్రహారాధన - " గంగాదేవి " " రాజరాజేశ్వరి దేవి " " అన్నపూర్ణా దేవి " మరియు " లక్ష్మీదేవి " .
సాధారణ లక్షణములు :
నాలుక , చేతులు , కొవ్వు , కిడ్ని , మూత్ర , సయాటికా , ఎపండిక్సు , కళ్ళ నీటికాసులు , న్యూరోసిస్ ,
ధైర్యము , నిరంతర కృషి , కోపము , హస్తకళాకారులు , మిలటరీ , కవులు , పోలీసు ఆఫీసర్లు , ఆజానుబాహులు , కళలయందు ఆసక్తి మరియు అవగాహన , నిత్యశంకులు , విరుద్ధ భావము కలవారు , వాటర్ డివైనర్స్ , వంశాభివృద్ధి కోరువారు . బాక్సర్స్ , కరాటే , టేస్టర్స్ .
మణిపూరకము : అగ్ని :
స్థలములోని అగ్ని శక్తిని వినియోగించుట. అగ్ని మన స్థలములో తూర్పు సూర్యనాడి , దక్షిణ చంద్రనాడుల సంగమము . దీనిలో సూర్యనాడి వంటకు ప్రశస్తము . చంద్రనాడి ద్వారము . ఈ స్థానములో సూర్యనాడి ద్వితీయ మగ సంతతి పైనను , చంద్రనాడి ద్వితీయ స్త్రీ సంతతి పైనను తన ప్రభావమును చూపును .
రంగు - పసుపు ; పూజావిధానము - దీపారాధన , విగ్రహారాధన మరియు అలంకారము ; బీజాక్షరము - " రం " ; జ్ఞానేంద్రియము - కళ్ళు ; కర్మేంద్రియము - మలద్వారము ; నివేదన - బెల్లము కలిపిన అన్నము ; గ్రంధి - ఎడ్రినల్ , పాంక్రియాస్ ; కూరలు - దోస ; పువ్వు - పసుపు రంగువి ; ధాతువు - కండరము ; యంత్రము - " రం " , డం , ఢం , ణం , తం , థం , దం , ధం , నం , పం , ఫం ; మంత్రము - మణిపూరాయా " రం " బీజేనమోనమః ; విగ్రహారాధన - సూర్యుడు , విష్ణుమూర్తి , రాముల వారు .
సాధారణ లక్షణములు :
కళ్ళు , కండరములు , మలద్వారము , అరుగుదల , షుగర్ , గ్యాస్ట్రో ఇంటస్టైనల్ డిసార్డర్స్ , లివర్ , అల్సర్స్ , డయాఫ్రమ్ డిసార్డర్స్ , ఎడ్రినల్ , డిప్రషన్స్ .
మూర్ఖపు కార్యదీక్ష , మర్యాదస్తులు , భోగలాలసులు , చాయాగ్రాహకులు , రసికులు , ఉద్రేకమును అణగద్రొక్కేవారు , మఠాధిపతులు , ఋత్విక్కులు , గణిత విద్యాసక్తులు , స్వయం నిర్ణయాధికులు , వేషాడంబరము , దంతపుష్టి , ముందుచూపు , గృహవాస్తు , కట్టడములకు నమూనాలు వ్రాయుట , డైనమిక్ , మనీ మేకర్స్ , గుడ్ ఎడ్మినిస్ట్రేటర్ , సైక్రియాటిస్ట్ , బాడీ బిల్డర్స్ , విజడమ్ , కాంపిటేటర్స్ , మెకానికల్ ఇంజనీర్స్ .
విశుద్ధ : వాయువు :
స్థలములోని వాయు శక్తిని వినియోగించుట . వాయువు స్థలములోని పడమర సూర్యనాడి , ఉత్తర చంద్రనాడుల సంగమము . కళల స్థానము . దీనిలో సూర్యనాడి పురుష తృతీయ సంతతి పైనను , చంద్రనాడి తృతీయ స్త్రీ సంతతి పైనను తన ప్రభావమును చూపును . దీనిలో చంద్రనాడి కళలకు ప్రశస్తము . సూర్యనాడి ద్వారమునకు ప్రశస్తము .
రంగు - నీలము ; పూజా విధానము - కీర్తనలు ; బీజాక్షరము - " హం " ; జ్ఞానేంద్రియము - చెవులు ; కర్మేంద్రియము - చర్మము ; నివేదన - పాయసన్నం ; గ్రంధి థైరాయిడ్ , పారాథైరాయిడ్ ; కూరలు - పెద్ద చిక్కుళ్ళు ; పువ్వు - శంఖు పువ్వు ; ధాతువు - చర్మము .
యంత్రము : " హం " అం , ఆం , ఇం , ఈం , ఉం , ఊం , ఋం , ౠం , ఐం , ఎం , ఏం , ఒం , ఓం , అం , అః
మంత్రము : విశుద్దాయ " హం " బీజే నమోనమః
విగ్రహారాధన : " సరస్వతీ దేవి , ఆంజనేయ స్వామి , వెంకటేశ్వర స్వామి .
సాధారణ లక్షణములు :
ఊపిరితిత్తులు , ఆస్త్మా , చర్మము , వాక్కు , ఎలర్జీ , టి.బి , గుండె నెప్పులు , కీళ్ళ నెప్పులు , ఆత్మహత్యా ప్రయత్నము .
లోభత్వము , ఊహలు , రాజకీయము , క్రొత్త విషయములు వెలికి తీయువారు , లాయరులు , రాజకీయ నాయకులు , యాక్టరులు , సంగీత విద్వాంసులు , ఇతరులపై ఆధారపడువారు , మంచి బేరగాళ్ళు , మధ్యవర్తులు , సరస్వతీ పుత్రులు , స్వయం నిర్ణయము లేని ఆవేశపరులు , ఎల్లప్పుడు ప్రేమ ఆప్యాయతల కొరకు తపించువారు , భక్తులు , మూఢాచారము కలవారు , ఎక్కువ మాట్లాడుటయందు అభిలాష కలవారు , వాదనాపరులు , వివాహమునందు విడాకులు పొందువారు , ఆహార నియంత్రణ లేనివారు , ఊహాలోకములలో విహరించెడివారు , ఇతరులకు సహాయము చేసి చెడు ఫలితములు పొందెడివారు , జ్ఞాని ఊహలు కలవారు , న్యాయనిర్ణేతలు , సమ్మోహనాపరులు , మంచి తల్లితండ్రులు , నసపెట్టువారు , మోసగింపబడువారు , లలిత కళాభిమానులు , స్వరకర్తలు , ప్రస్తుత ప్రపంచమునకు సరిపడువారు .
ఆజ్ఞా : ఆకాశము :
స్థలములో ఆకాశతత్త్వమును వినియోగించుట . ఆకాశతత్త్వము స్థలములోని పడమర సూర్యనాడి , దక్షిణ చంద్రనాడుల సంగమము . దీనిలో సూర్యనాడి తండ్రిపైనను , ప్రథమ మగ సంతతిపైనను మరియు చంద్రనాడి తల్లిపైనను , ప్రథమ ఆడ సంతతిపైనను తన ప్రభావమును చూపును . ఇది అన్ని భాగములకన్న ముఖ్యమైనది . దీని సూర్యనాడిలో గాని , చంద్రనాడిలో గాని , ఎట్టి పరిస్థితులలోను ద్వారముల నుంచరాదు . ఎందుకనగా స్థల శక్తి ఈ స్థానము నుండి బయలుదేరి అగ్ని , వాయువు , జల , దిక్కుల వైపు ప్రవహించి బలహీనపడును . ఈ స్థానము యందు ద్వారములున్న " శక్తి " ద్వారముల ద్వారా బయటకు పోయి అగ్ని , వాయు , జల దిక్కులకు ప్రసరించదు . ఇది సంపూర్ణస్థానము .
రంగు - ఇండిగో ; పూజా విధానము - గంట , ధ్యానము ; బీజాక్షరము - " సం " ; నివేదన - పులిహోర , ఫలావు ; గ్రంధి - పిట్యూటరీ ; కూరలు - వంకాయ ; ధాతువు - మజ్జ ; పువ్వు - సీజనల్స్ .
యంత్రము : " సం " హం , క్షం
మంత్రము : ఆజ్ఞాయ " సం " బీజే నమోనమః
విగ్రహారాధన : " వినాయకుడు " , " శివుడు " , శ్రీ కృష్ణుడు .
సాధారణ లక్షణములు :
మజ్జ , క్యాన్సర్ , తలనెప్పులు , టెన్షన్స్ , సెంట్రల్ నెర్వస్ సిస్టమ్ , డిప్రషన్స్ , ఎమ్మోషన్స్ , మెదడు .
జ్ఞానయోగులు , సైంటిస్టులు , తొందరపాటు మనుషులు , తమ తప్పును ఒప్పుకునే ధైర్యవంతులు , ఆలోచన ఆచరణ మధ్య చాలా తేడాగలవారు , విపరీతమైన తెలివి తేటలతో తమ జీవిత గమనమునకు అవరోధము కల్గించుకొనువారు , పొదుపరులు , సంపూర్ణ వికాసము కల్గిన వ్యక్తులు .
స్థలము కుండలినీ ధ్యానము కాలము
భూమి మూలాధారము వాసనలు తె.జా. 4 గం. నుండి 6 గం. వరకు
ఈశాన్య స్వాధిష్టానము రుచులు ఉ.6 గం. నుండి 9 గం. వరకు
ఆగ్నేయ మణిపూరము రూపము ఉ.9 గం. నుండి 12 గం. వరకు
వాయువ్య విశుద్ధము స్పర్శ మ.12 గం. నుండి 6 గం. వరకు
తె.జా. 2 గం. నుండి 4 గం. వరకు
నైఋతి ఆజ్ఞ శబ్ధము సా.6 గం. నుండి 2 గం. వరకు
పంచభూతములు కుండలినీ దిక్కులు
భూమి మూలాధారము స్థలము
నీరు స్వాధిష్టానము ఈశాన్యము
అగ్ని మణిపూరకము ఆగ్నేయము
వాయువు విశుద్ధము వాయువ్యము
ఆకాశము ఆజ్ఞ నైఋతి
నీ స్థలము లోనికి 108 మెట్లు
ఈశాన్యము :
ఈశాన్యము ప్రారంభ స్థానము . యోగములో స్వాధిష్టానము . గ్రంధి టెస్టిస్ మరియు ఓవరీస్ . తూర్పు సూర్యనాడి , ఉత్తర చంద్రనాడుల సంగమము .
1. ప్రతి స్థలమునకు ఈశాన్యము నీటికి సంబంధించిన స్థానము . ఈశాన్యము పల్లము కల్గి నీరు పోవు కంతలు ఉంచవలెను .
2. ఈశాన్యములో కాలిజోళ్ళు , చీపురు , సిగరెట్ , విడిచిన వస్త్రములు , బూజు కర్రలు మొదలగునవి వీటిని ఉంచరాదు . పూజా సామాగ్రిని సైతము నుంచరాదు .
3. స్థలమునకు తూర్పు ఈశాన్యములో గేటు ఉంచవలెను . వీలు పడనిచో గృహములోనైనను తప్పని సరిగా తూర్పు ఈశాన్యములో గేటు ద్వారము నుంచవలెను . ఈ
విధముగా లేని యెడల ఆ స్థలమునకు సూర్యనాడి లోపించును .
4. ఈశాన్యములో సూర్యనాడి ద్వారము వంశాభివృద్ధి ఎనలేని కీర్తి లభించును . చంద్రనాడి ద్వారము ఎనలేని సంపద , స్త్రీ శక్తి నిచ్చును .
5. ఈశాన్య గదిలో తూర్పు ఆగ్నేయ ద్వారమున్న సూర్యనాడి ప్రభావము అధికమై చెఱుపుచేయును . ఉత్తర ఈశాన్య ద్వారముతో దక్షిణ ఆగ్నేయ ద్వారముంచవచ్చును .
దక్షిణ నైఋతి , పడమటి నైఋతి ద్వారములు నుంచరాదు . పడమట వాయువ్యంలో సూర్యనాడి ఋణదృవముగాన ద్వారము నుంచవచ్చును . ఉత్తర వాయువ్య
ద్వారము నుంచరాదు .
6. ఈశాన్యము తగ్గిన తతిమా మూలలను సరిచేసి ఈశాన్యమును సరిచేయవలెను . గృహమునకు ఉత్తర ఈశాన్యము పెంచి నిర్మించిన , స్థలమునకు ఉత్తర ఈశాన్యము
తగ్గును . ఉత్తర ఈశాన్యము పెరిగిన ఆధ్యాత్మిక ఆసక్తి తరిగి సంసార అనురక్తి పెరుగును .
7. స్థల ఈశాన్యములో ఎటువంటి నిర్మాణములు చేయరాదు . నిర్మించినచో గృహ యజమానికి ప్రకృతికి సంబంధించిన అనుకూలత లభించదు . మొండి పట్టుదలలు పెరిగి ,
సరి అయిన అవగాహన లేని నిర్ణయములు తీసుకుని , తన పురోభివృద్ధికి తనే ఆటంకమగును .
8. స్థల ఈశాన్యములో తూర్పు , ఉత్తర ప్రహరీ గోడలు పడమట , దక్షిణ గోడలను మించరాదు . మన తూర్పు ప్రహరీ ఇతరులకు పడమటి ప్రహరీ అగుటవలన , మన
ఉత్తర ప్రహరీ ఇతరులకు దక్షిణ ప్రహరీ అగుటవలన ఎత్తుగా నిర్మించుట జరుగుచున్నది . తూర్పు ప్రహరీ పురుష సంతతి పురోభివృద్ధి పైనను , ఉత్తర ప్రహరీ స్త్రీ
సంతతి పురోభివృద్ధి పైనను తన ప్రభావమును చూపును . తల్లిదండ్రులకు సంతతికి అభిప్రాయ బేధము వచ్చినప్పుడు ముఖ్యముగా ఈ విషయము
గుర్తుంచుకొనవలయును .
9. గృహమును ఈశాన్యము తగ్గించి నిర్మించరాదు . చతురములో ఈశాన్యము తగ్గరాదు . పెంచరాదు . గదుల నిర్మాణములలోను , పోర్టికోల నిర్మాణములలోను సన్ షేడ్
నిర్మాణములలోను జాగ్రత్త వహించవలెను . ఈశాన్యము మాత్రమే మూసిన ఆగ్నేయము తెరిపగును . సంపద పరముగా అనుకూలముగా ఉండి , సమాజ గుర్తింపు
తగ్గును .
10. గృహమునకు తూర్పు , ఉత్తర వసారాలు , ఏకవాలున మాత్రమే నిర్మించవలెను . అట్లు నిర్మించనిచో గృహయజమాని తన సహజ గుణములను కోల్పోవును .
11. గృహములో ప్రతి గదులలోను తూర్పు , ఉత్తర గోడలకు అటకలు నిర్మించరాదు . ఈ గోడలను దాటి ముందుకు వచ్చిన
అలమారాలను సైతము నిర్మించరాదు .
12. ఈశాన్య ద్వారములను సాధ్యమైనంతవరకు తెరిచి ఉంచవలెను . గేటులో చిన్న ద్వారము నుంచవలసి వచ్చిన దీనిని సైతము ఈశాన్యములోనే ఉంచవలెను . ఈశాన్య
ద్వారములలో ఒక రెక్క మాత్రమే తెరిచి ఉంచవలెను . ఈశాన్య వైపు రెక్కనే తెరిచి ఉంచవలెను . ఏక రెక్క తలుపైన ఆగ్నేయ దిమ్మలో నుంచవలెను .
13. ఎట్టి పరిస్థితులలోను ఈశాన్యములో వంట చేయరాదు . వేడి నీటి పొయ్యిలు గాని , బ్రాయిలర్లు గాని ఈశాన్యములో నుంచరాదు . పరిశ్రమలలో కరెంటు ట్రాన్స్ ఫార్మర్స్
గాని , పొగ గొట్టముల నుంచరాదు .
14. ఈశాన్యములో నిద్రించరాదు . మంచములు నిలబెట్టి ఉంచుట సైతము చేయరాదు . పరిశ్రమలలో ఈశాన్యములలో క్వార్టర్స్ నిర్మించరాదు .
15. ఈశాన్యములో పదఘట్టన చాలా మంచిది . ప్రతి గదుల యందును , ఇంటి కాంపౌండు యందు , పరిశ్రమల కాంపౌండు యందు , ఈశాన్య పదఘట్టన చాలా మంచిది .
16. ఈశాన్యములో బీరువాలు గాని , ఇనపెట్టెలు గాని , బరువులు గాని ఉంచరాదు . తూర్పు , ఉత్తర గోడలకు ఆనించి ఏ వస్తువులను ఉంచరాదు . పరిశ్రమలయందు ,
షాపులయందు ఈశాన్యములో కూర్చొని వ్యాపారము చేయరాదు .
17. ఈశాన్యము ఎల్లప్పుడూ శుభ్రముగాను , ఆకర్షణీయమైన రంగులతోను , సువాసనతోను , ఆనందము కల్గించునదిగాను ఉండవలెను . నూతిని సైతము రంగు వేసి
ఆకర్షణీయముగా ఉంచుట మంచిది .
18. ఈశాన్యగదిలో కుర్చీలను , తతిమా బరువులను , పడమట , దక్షిణ గోడలకు ఆనించి ఉంచవలెను . షాపులకు తూర్పు రోడ్డు కల్గిన నైఋతిలో బరువునుంచి ఆగ్నేయములో కూర్చోని , దక్షిణము రోడ్డు కల్గిన నైఋతిలో కూర్చొని , పడమట రోడ్డు కల్గిన నైఋతిలో కూర్చొని, ఉత్తరము రోడ్డు కల్గిన నైఋతిలో బరువు నుంచి వాయువ్యంలో కూర్చొని తూర్పున గాని , ఉత్తరమును గాని చూస్తూ వ్యాపారము చేయవచ్చును . పడమర , దక్షిణము రోడ్డు కల్గిన షాపులవారు షట్టరు క్రింద అడ్డముగా కట్ట నిర్మించవలెను . దక్షిణ , పడమర షాపువారు మరియు దక్షిణ , పడమర సింహ ద్వారములు కల్గినవారు క్రిందకు ఏకంగా దిగకుండా దక్షిణము వారు తూర్పుకు , పడమర వారు ఉత్తరమునకు దిగవలెను .
19. ఈశాన్య గదికి 3 ద్వారములు నుంచరాదు . సమతూకము కోల్పోయి చెఱుపును కల్గించును . వరుస 3 ద్వారములు సైతము మంచిది కాదు . గోడను చేధించి మనము
నడిచెడి అన్నియు ద్వారములు క్రింద లెక్కించ వలయును . ద్వారములు సరిసంఖ్య కల్గి ఉండవలెను .
20. ఈశాన్యములో ధనమును ఉంచరాదు . గడ్డు పరిస్థితులు కల్గినప్పుడు , కొంత కాలము ధనమును ఈశాన్యన ఉంచి మరల నైఋతిలోనే ఉంచవలయును . ( లోడ్ గేర్ )
ఈశాన్యములో ధనము నిలువదు .
21. ఈశాన్యములో యోగులకు సాధన నిలువదు . ఎటువంటి కళలకు స్థానము కాదు . ఈశాన్య స్థానములో ఏ పనులు రాణించవు . కాని ముఖ్యమైన ప్రారంభ స్థానము
ఇదియే . ఈశాన్యములో ప్రారంభించి తతిమా స్థానములకు వెళ్ళవలయును .
22. ఈశాన్య గది అన్ని గదుల వైశాల్యము కంటే తగ్గి ఉండవలెను . ఈ విధముగా ఉండుటము అన్ని విధములా శ్రేయస్కరము .
23. ఈశాన్య స్థలమునకు తూర్పు , ఉత్తర ఈశాన్య వీధి పోట్లు చాలా మంచిది . వీటిని వినియోగించిన సమాజములో మంచి స్థానము కల్గి ఉన్నతులగుదురు .
24. ఈశాన్యములో లక్ష్మి , అన్నపూర్ణ , రాజరాజేశ్వరి , గంగ , మేరీమాత , నెలవంకతో నున్న మసీదు , చిత్రపటములను ఉంచి పూజించవలయును . ఈశాన్యములో గోడను
మించి ముందుకు వచ్చిన దిమ్మతో కల్గి ఉన్న దేవుని మందిరములు నిర్మించరాదు .
25. ఈశాన్యము ఖచ్చితముగా కోణము 90o కల్గి ఉండవలెను . ఈశాన్యములో ఆరంజ్ రంగు కల్గిన పూలు పూచే మొక్కలు బాగా పెరుగును .
ఆగ్నేయము :
26. ఆగ్నేయ భాగము విజయ స్థానము . యోగములో మణిపూరకము . గ్రంధి పాంక్రియాస్ , ఎడ్రినల్ . తూర్పు సూర్యనాడి దక్షిణ చంద్రనాడుల సంగమము .
27. ఆగ్నేయ భాగము ఈశాన్య , వాయువ్య భాగముల కంటే ఎత్తుగాను , నైఋతి కంటే తగ్గి ఉండవలెను .
28. ఆగ్నేయ భాగము సూర్య నాడిలోని తూర్పు వైపుకు తిరిగి వంట చేయవలెను . వంటచేయు అరుగులు తూర్పు గోడకు ఆనించరాదు . క్రింద నేల ఎత్తు చేయరాదు .
ఆగ్నేయ గదిలో మినహా ఏ గదులలోను వంట చేయరాదు . వంట గదులకు తూర్పు , ఉత్తర ఈశాన్యములు , దక్షిణ ఆగ్నేయము , పడమర వాయువ్యములు ,
ద్వారములు కల్గి ఉండిన , వండిన పదార్ధములు అమిత రుచి కల్గి , గృహములోని అందరికి దంత సిరిని కల్గించును . వంట గదికి , ఉత్తర వాయువ్య ద్వారము మాటల
భోజనము , తూర్పు ఆగ్నేయము కలహ భోజనము , దక్షిణ నైఋతి నిస్పృహ , నిరాశల భోజనము , పడమర నైఋతి అర్ధాకలి భోజనమును కల్గించును .
29. ఆగ్నేయ భాగములో నీరు పోవు కంతలుంచరాదు . వేరే దారి లేనప్పుడు కంటికి కన్పించకుండా అండర్ గ్రౌండ్ ద్వారా నీటిని బయటకు పంపించవలెను .
30. ఆగ్నేయ భాగములోని సూర్యనాడి రెండవ మగ సంతతి పైనను , చంద్రనాడి రెండవ ఆడ సంతతి పైనను తన ప్రభావమును చూపును . సూర్యనాడి ధన దృవమైనందున
ద్వారముంచరాదు . చంద్రనాడి ఋణ దృవమైనందున ద్వారమునుంచవచ్చును .
31. ఆగ్నేయ భాగములో బరువులను ఉంచినప్పుడు తూర్పు గోడను ఆనించక దక్షిణ గోడను ఆనించి ఉంచవలెను . ఆగ్నేయ భాగములో బరువు మరియు ఎత్తులు నైఋతి
భాగములోని బరువులు మరియు ఎత్తున కన్న తగ్గి ఉండవలెను . పరిశ్రమలలో కరంట్ ట్రాన్స్ ఫార్మర్స్ మరియు హీట్ బర్నర్స్ , పొగ గొట్టములు ఆగ్నేయ భాగములోనే
ఉంచవలెను .
32. ఆగ్నేయ భాగములో కట్టిన ఏ గృహములకైనను తూర్పు భాగమును ఎక్కువ ఉంచి , పడమర తగ్గి ఉండవలెను . వరుస గృహములు కట్టినను మొత్తము గృహములు
అన్నింటికి పడమర తగ్గి తూర్పు పెరగవలెను .
33. ఆగ్నేయ భాగము మూయవలెనని ఉపగృహము నిర్మించుచున్నారు . ఇది అంత సౌఖ్యమైనది కాదు . ఎందువలననగా తూర్పు తగ్గి ఉత్తరము పెరుగుచున్నది .
పడమటలో నిర్మించిన గృహము కంటే తూర్పులో నిర్మించిన గృహ వైశాల్యము తగ్గవలెను . రెండు గృహములు దక్షిణ నుంచి ఉత్తరము వరకు పొడవులు సమానముగా
ఉండి వెడల్పులో తేడా చూపించవలయును . ఈ విధముగానే దక్షిణములో నిర్మించిన గృహము కంటే ఉత్తర గృహ వైశాల్యము తగ్గవలెను . పొడవులు సమానముగా
ఉంచి వెడల్పులో భేధము తీసుకురావలయును . ఆగ్నేయములో మెట్లు నిర్మించిన తూర్పు గోడకు ఆనించకుండా నిర్మించవలయును . దక్షిణ గోడకు ఆనించి
నిర్మించవచ్చును . మొదటి మెట్లు పడమట దక్షిణ వైపునకు ఎక్కుచున్నట్లు ఉండవలెను . దిగెడి మెట్లు తూర్పు ఉత్తరముల వైపుకు ఉండవలయును . అన్నిటి కన్న
ముఖ్యమైనది పై అంతస్తులో తూర్పు ఉత్తర ఈశాన్యములు , దక్షిణ ఆగ్నేయము , పడమట వాయువ్య ద్వారములకు అనుగుణముగా మెట్లు నిర్మించవలెను .
34. ఆగ్నేయ భాగములో నిద్రించరాదు . యజమాని ఆగ్నేయగదిలో నిద్రించరాదు . వ్యాపారస్తులు , ఉద్యోగస్తులు ఆఫీసుగదిని మరియు నిద్రించే గదిని ముందుగా వాస్తుకు
సరిచేయవలెను . గదిని గాని ఆఫీసును గాని షాపుని గాని ముందుగా నాలుగు భాగములు చేసి సరిచేయవలెను .
35. ఆగ్నేయ భాగములో నీటితొట్టెలు గాని , ఓవర్ హెడ్ ట్యాంకును గాని ఉంచరాదు . ఉపశమనము పసుపు రంగు .
36. ఆగ్నేయ భాగములో అధిక ( శ్రమ ) శబ్దము చేసే డోలు వాయుద్యములు మొదలగునవి అభ్యసించుట మంచిది .
37. ఆగ్నేయ భాగము తగ్గిన జయము తగ్గును . ఇతరుల జోక్యము మనమీద పెరుగును . అనవసర తలవంపులు , తెగని తీరని సమస్యలు , ప్రతి విషయమునందు
జాప్యము పెరుగును .
38. ఆగ్నేయ భాగము పెరిగిన నిరంతరం శ్రమ స్వంతం మాని ఇతరులకు ఉపయోగము , చికాకు , కోపము కల్గును .
39 ఆగ్నేయ భాగము పల్లముగా ఉన్న యెడల శ్రామికులు ( పనివాళ్ళు ) ఎక్కువ రోజులు పనిచేయరు . పరిశ్రమలలో ముఖ్యముగా గమనించవలసిన విషయము . ప్రతి
విషయము స్థంభించును . విల్ పవర్ తగ్గి శక్తి హీనులగుదురు . సమన్వయము లోపించును . సంపదకు తగ్గ గౌరవముండదు .
40. ఆగ్నేయ భాగము ఎక్కువగా వినియోగించు స్థలములలో పసుపు రంగు కల్గిన పూలు పూచే మొక్కలు బాగుగా పెరుగును . ఆగ్నేయ భాగలోపములను పసుపురంగుతో
" రం " బీజాక్షరముతో సరిచేయవలెను .
41. ఆగ్నేయ భాగములో గృహము నిర్మించిన అమితమైన పేరు వచ్చును . కాని మనశ్శాంతి ఉండదు . ధనము విపరీతముగా ఖర్చగును . నిర్ణయములకు వారి
జీవితమును అర్పింతురు . ఇతరులకు సహాయము చేయుటయందు అభిలాష పెరుగును .
42. ఆగ్నేయ భాగములో ధనము ఉంచిన నిలువదు . జాగ్రత్తగా జమ ఖర్చులు వ్రాసి పొదుపు చేసినను ధనము విపరీతముగా ఖర్చగును . షాపులలో ధనమును
ఆగ్నేయమున ఉంచరాదు .
43. ఆగ్నేయ భాగములో కూర్చొని ఆలోచించరాదు . త్వరిత నిర్ణయములకు మంచిది . " నాడి " శాస్త్రములో సుర్యనాడి ప్రభావములు అన్నియు ఆగ్నేయ భాగమునకు
చెందును .
44. ఆగ్నేయ భాగములో తూర్పుకు అభిముఖముగా కూర్చొని దీపారాధన చేసి మనస్సు నిల్పి ధ్యానించిన ఎటువంటి జఠిల సమస్యలకైనను సమాధానము లభించును .
45. ఆగ్నేయ భాగమును సరిచేసిన షుగర్ వ్యాధి తన ప్రభావమును తగ్గించును . కళ్ళు , జీర్ణశక్తి , అల్సర్ విషయములోను ఆగ్నేయ భాగమును గుర్తుంచుకొనవలయును .
46. దృశ్య యంత్రములు ఆగ్నేయములో ఉంచవలెను . " దీపధ్యానము " , " త్రాటకము " మొదలగు సాధనలు ఆగ్నేయములో చేయవలెను . ఉదరమునకు సంబంధించిన
ఆసనములు , సూర్య నమస్కారములు ఆగ్నేయ భాగములోనే చేయవలెను .
47. నిత్య దీపారాధన , " ధుని " ( నిరంతరం అగ్ని ) ఆగ్నేయ భాగములో నుంచవలెను . పాలు పొంగించు కార్యక్రమము ఈ స్ధానమునందే చేయవలెను . పాల కుంపటి వేడి
నీళ్ళ బాయిలర్ , ఉలవల దాళి , ఆగ్నేయ భాగములో నుంచవలెను . ఉలవల దాళి మెరక గొయ్యిలో ఉండవలెను .
48. ఆగ్నేయ గది నైఋతి గది కంటే చిన్నది గాను ఈశాన్య , వాయువ్యముల కంటే ఎక్కువ వైశాల్యము కల్గి ఉండవలెను .
49. ఆగ్నేయ స్థలమునకు సూర్యనాడిలో వీధిపోటు మంచిదికాదు . చంద్ర నాడిలో వీధిపోటు ఉండవచ్చును . ఆగ్నేయ భాగము ఖచ్చితముగా 90o కోణము కల్గి ఉండవలెను .
50. ఆగ్నేయ భాగములో " సూర్యుని " " విష్ణుమూర్తిని " " రాముల వార్ని " ముళ్ళ కిరీటము కల్గి శిలువ నెక్కిన ఏసుక్రీస్తుల వారిని పూజించుట మంచిది . దీపారాధన
కొవ్వొత్తి వెలిగించు స్థలము .
వాయువ్య భాగము :
51. వాయువ్య భాగము విద్య మరియు రాజకీయ స్థానము . యోగములో విశుద్ధ గ్రంధి థైరాయిడ్ , పారా థైరాయిడ్ , పడమర సూర్యనాడి ఉత్తర చంద్రనాడుల సంగమం .
52. వాయవ్య భాగము ఈశాన్యము కంటే మెరక కల్గి నైఋతి , ఆగ్నేయముల కంటే పల్లముగా ఉంచవలెను .
53. వాయువ్య భాగములో సూర్యనాడి తృతీయ మగ సంతతి పైనను , చంద్రనాడి తృతీయ ఆడ సంతతి పైనను తన ప్రభావమును చూపును .
54. వాయువ్య భాగములో నీరు పోవు మార్గము లుండరాదు . నీరు వాయువ్య భాగమునకే వెళ్ళవలసి వచ్చిన చూపులకు ఈశాన్యమునకు ప్రవహింపజేసిన తరువాత
అండర్ గ్రౌండ్ లో వాయువ్యమునకు ప్రవహింప జేయవలెను .
55. వాయువ్య భాగములో బరువుల నుంచరాదు . వాయువ్య బీరువా భార్యాభర్తల కలహము నకు నాంది . వాయువ్య భాగములో ఉత్తర గోడకు విడిచిన వస్త్రములను
తగిలించరాదు . వాయువ్య భాగములో కుర్చీలను పడమట గోడకు ఆనించవచ్చును .
56. వాయువ్య భాగములో గృహమును నిర్మించరాదు . ఉప గృహమును సైతమూ నిర్మించరాదు . వాయువ్య భాగములో ఉత్తర గోడను ఆనించి మరుగు దొడ్లను , స్నానపు
గదులను నిర్మించరాదు . గృహమునకు తూర్పు భాగమున కంటే పడమర భాగము ఖాళీ ఎక్కువ ఉన్న యెడల ఆ గృహ యజమాని బయట తిరుగుటకు ఎక్కువ
ఇష్టపడును . పరిశ్రమలలో ఉన్న యెడల దాని యజమాని దూరముగా నివశించుట గాని , నిదానముగా దాని పురోభివృద్ది తగ్గుట కాని జరుగును .
57. వాయువ్య భాగములో నిద్రించరాదు . పెండ్లి కావలసిన వారు నిద్రించిన పెండ్లికి దూరమగుదురు . పూర్తి వాయువ్యంలో గృహము నిర్మించి అందు నివసించినను , పెండ్లి
జరుగుట చాలా కష్టము . ఇటువంటి గృహములోని వారు విద్యలో అమితముగా రాణించుదురు .
58. పూర్తి వాయువ్యములో కూర్చొని వ్యాపారము చేయువారు , మాటలాడుట యందు ఎక్కువ అభిలాష కల్గి , వ్యాపారము నందు శ్రద్ద తగ్గును . వాయువ్యములో కూర్చొని
తగవులు తీర్చుట మంచిది .
59. వాయువ్య భాగములో కూర్చొని తూర్పునకు చూస్తూ చదివిన విద్యార్ధులకు విద్య త్వరితముగా లభించును . రచయితలు కళలను అభ్యసించువారు ఈ విషయమును
గమనించవలయును . పరిశ్రమలో రీసెర్చ్ విభాగములు వాయువ్యములో నుండవలెను .
60. వాయువ్య భాగములో కూర్చొని స్వంత విషయములలో నిర్ణయములు తీసుకొనరాదు . వాయువ్య భాగము వాదనకు మంచి స్థలము . సైంటిస్టులు ఏదయినా క్రొత్త
విషయములను కనిపెట్టవలెనన్న వారు వాయువ్య భాగములో కూర్చొని కృషి చేసిన సత్పలితములను పొందుదురు . రచయితలకు నూతన పంథాలో రచనలు
చేయుటకు ఇది మంచి స్థలము . అనగా నూతన విషయములను వెలికి తీయు స్థానము వాయువ్యము .
61. గృహము మొత్తములో వాయువ్య గదికి పడమర వాయువ్యము ద్వారము కల్గి నైఋతిలో ఎత్తైన ఆసనమునందు కూర్చున్న " రాజకీయ నాయకులు " అంచెలంచెలుగా
పదవుల నందు అభివృద్ధిని సాధించెదరు . పడమట వాయువ్యంలో రోడ్డు శూల కల్గిన స్థలంలోని వారు సైతము రాజకీయములో రాణించుదురు .
62. వాయువ్య భాగములో ధనము నుంచరాదు . అనవసర ఖర్చులకు విపరీతముగా ఖర్చగును . వాయువ్య భాగములో కూర్చొని ధన సంబంధమైన వ్యవహారములు
చేయరాదు .
63. వాయువ్య భాగములో సంగీత సాధన చాలా మంచిది . యోగ సాధకులకు ప్రాణాయామ , నాద సాధనకు మంచి స్థలము . టేపు రికార్డులు , రేడియోలు ఉంచు స్థలము .
64. వాయువ్యములో వంట అధిక వ్యయ ప్రయాసములను కల్గించును . బియ్యపు డబ్బాను , వంట సామానులను సైతము ఈ భాగములో నుంచరాదు . ఈ భాగములో
భోజనము చేయుట మంచిది కాదు . చిఱుతిళ్ళకు నిలయము .
65. వాయువ్యములో గర్భిణీ స్త్రీలు ఉండవలెను . గర్భిణీ స్త్రీలు నివసించు గదిలో టి.వి. లు , ఫ్రిజ్ లను ఉంచరాదు .
66. వాయువ్య భాగములో " చాదస్తులు " " మనస్సు " " మెదడు " స్థిమితము లేనివారు నివసించరాదు . మాటకు కట్టుబడుట చాలా కష్టము . ఈ భాగములో
నివసించువారిని నిశ్శబ్దముగా ఉండమని నిర్బందించిన అనారోగ్యులగుదురు .
67. వాయువ్య స్థలము ( ఉత్తర , పడమట రోడ్డుల కలయిక ) లోని స్త్రీలు రాణించుదురు . గృహము సైతము స్త్రీ హక్కుగా మారును . వాయువ్య స్థలములోని పరిశ్రమలు స్త్రీ
ల ఆధ్వర్యంలో రాణించును .
68. వాయువ్య భాగము తగ్గిన ఆ గృహములో చదువులు తగ్గును . సమాజములోనికి చొచ్చుకొని పోవు స్వభావము తగ్గును . ఊపిరితిత్తులు , ఆస్త్మాకు సంబంధించిన
విషయములందు జాగ్రత్త వహించవలెను .
69. వాయువ్య భాగము పల్లమైన సంపదలను కోల్పోవుదుము . నూతులు , గోతులు అనారోగ్యమును కల్గించును .
70. వాయువ్య భాగములో ఏవిధమైన నీటి తొట్టెలను నిర్మించరాదు . నైఋతి ఆగ్నేయములలోని కట్టడములను మించి ఈ స్థలములో ఏ నిర్మాణములు చేయరాదు .
71. వాయువ్య భాగములో మెట్లు నిర్మించిన ఉత్తర గోడకు ఆనించరాదు . పడమటి గోడకు ఆనించి కట్టవచ్చును .
72. గృహములో వాయువ్య గది , నైఋతి , ఆగ్నేయ గదుల కంటే తక్కువ , ఈశాన్యము కంటే ఎక్కువ వైశాల్యము కల్గి ఉండవలెను .
73. వాయువ్య భాగములో పెంపుడు జంతువులు బాగుగా పెరుగును . గోవుల శాలలు నిర్మించు స్థలము . గోవుల శాలలకు ఉత్తర ఈశాన్యము పెరిగిన పెయ్యలు , తూర్పు
ఈశాన్యము పెరిగిన కోడె దూడలు పుట్టుటకు అవకాశము కలదు . గడ్డివాము నుంచి గడ్డి తూర్పు , ఉత్తరము నుంచే తీయవలెను .
74. వాయువ్య భాగములో " సరస్వతీ దేవి " " ఆంజనేయ స్వామి " " వెంకటేశ్వర స్వామి " ని పూజించుట మంచిది . కీర్తనలు గానము చేయుట , స్తుతించుట
మొదలగునవి చేయవలెను .
75. వాయువ్య భాగము 90o కోణము కల్గి ఉండవలెను . వాయువ్య భాగములో నీలము రంగు పూలు పూచి మొక్కలు బాగుగా పెరుగును . వాయువ్యము లోని
దోషములను " హం " బీజాక్షరముతో సరిచేయవలెను .
నైఋతి భాగము :
76. నైఋతి భాగము సంపూర్ణమైనది . యోగములో ఆజ్ఞాచక్రము , గ్రంధి పిట్యూటరీ , పడమర సూర్యనాడి దక్షిణ చంద్రనాడుల సంగమము .
77. నైఋతి భాగము ఈశాన్య , వాయువ్య , ఆగ్నేయముల కంటే ఎత్తుగా ఉండవలెను . నిర్మాణములు సైతము నైఋతి లో ఎత్తుగా ఉండవలెను .
78. నైఋతి లోని గది అన్ని గదుల కంటే ఎక్కువ వైశాల్యము కల్గి ఉండవలెను . ప్రహరీ గోడలు తతిమా గోడల కంటే నైఋతి లోనే ఎత్తు కల్గి ఉండవలెను .
79. నైఋతి భాగములో సూర్యనాడి గృహ యజమాని , ప్రథమ ఆడ సంతతి పైనను తన ప్రభావమును చూపును .
80. నైఋతి భాగములో విధిగా గృహ యజమాని , యజమానురాలు నిద్రించవలెను . తొలి సంతానము దక్షిణము , మిగతా వారు తూర్పు తలాపి నిద్రించుట మంచిది .
ఆలోచనాపరులకు దక్షిణము , శ్రామికులకు తూర్పు తలాపి నిద్రించుట మంచిది .
81. గృహ యజమాని , పరిశ్రమల యజమాని , ఆఫీసులలో ఆఫీసరు , షాపుల యజమాని , రాజకీయ నాయుకులు , కార్యక్రమములను నడిపించు పెద్దలు మొదలగు వారు
విధిగా తూర్పుకు చూస్తూ నైఋతిలో కూర్చొనవలయును . మిమ్మల్ని ఎవరైనా సలహా అడిగినా నైఋతిలోనే ఉండి ఆలోచించి సలహా ఇవ్వవలెను .
82. నైఋతి భాగము అన్ని భాగముల కంటే జయము నొందు స్థలము . ఈ భాగములో కూర్చొని ఆలోచించుట మంచిది . సరి అయిన పరిష్కారములను సూచించును .
నిష్కర్షమైన భావమును కల్గించును . ఆలోచనను పెంచును . కోపమును తగ్గించును . సమయానుకూలమగు ఆలోచనలను కల్గించును . " పర్సనల్ అసిస్టెంట్స్ "
ముఖ్యముగా ఈ విషయము పాటించవలెను .
83. నైఋతి భాగము అన్ని భాగములకు తండ్రి వంటిది . ప్రతి స్థలమునకు " భూశక్తి " నైఋతి నుంచి ప్రారంభించి ఆగ్నేయ వాయువ్యములను కలుపుకొనుచూ
ఈశాన్యమునకు వచ్చు సరికి క్షీణించును . గృహమును నైఋతి సరిహద్దు గోడల మీద నిర్మించకుండా , విడిగా నిర్మించిన ఈ " భూశక్తి " రెట్టింపగును . నైఋతిలో
ద్వారములున్న ఈ శక్తి నిష్ప్రయోజన మగును .
84. నైఋతి భాగములో విధిగా ఎత్తు బీరువాలను , అతి బరువు గల వస్తువులను ఉంచవలెను . బీరువా తరువాత మంచము నుంచవలెను . ఆఫీసులో ఫైల్సును సైతము
టేబిలుకు నైఋతి లోనే ఉంచవలెను .
85. నైఋతి భాగములో ధాన్యపు గాదెలు , గోడౌన్లు నిర్మించవలెను . వ్యర్ధమైన వస్తువులను ఈ భాగములో నుంచరాదు . నైఋతి భాగము " ప్రాణ శక్తి " ని పెంచే
స్థలముగాన పచ్చళ్ళ జాడీలు , బియ్యపు డబ్బాలు , నిల్వ ఉంచే ఆహార పదార్థములు , ఫ్యాక్టరీలకు ఉపయోగించే ముడి పదార్థమును , షాపులలో స్టాకును నైఋతి
లోనే ఉంచవలెను .
86. నైఋతి భాగములో ధనము నుంచవలెను . బీరువాలో సైతము నైఋతిలోని ధనము నుంచవలెను . బంగారము , ఇతరము లైన నగలు ఈ స్థానములో ఉంచవలెను .
మీ బీరువా సూర్యనాడి వైపు తెరుచుకున్నచో మంచి కీర్తి , ధనము , యశస్సు , ప్రాప్తించును . చంద్రనాడి వైపు తెరుచుకున్నచో ధనము , పొదుపు , ప్రశాంతత
ప్రాప్తించును .
87. నైఋతి భాగములో వంట చేయరాదు . ఈ భాగములో నీరు పోవు కంతల నుంచి రాదు . పరిశ్రమలు మరియు హోటల్స్ లో ఈ విషయమును పాటించవలయును .
88. నైఋతి భాగములో గృహము నిర్మించిన సిరిసంపదలు , సౌఖ్యము , ఆరోగ్యము , కీర్తి , మనశ్శాంతి , జ్ఞానమును కల్గించును . ప్రతి మనిషి తనకున్న " శక్తి " ని
పూర్తిగా వియోగించవలెనన్న నైఋతి భాగములో గృహము నిర్మించవలయును .
89. నైఋతి తగ్గిన గృహ యజమాని ప్రయోజకత్వము తగ్గును . పరిశ్రమలకు నైఋతి తగ్గిన యజమాని లోపముతో త్వరితముగా మూతపడును .
90. నైఋతి భాగములో వాటర్ ట్యాంక్ లో ఎత్తుగా ఉండవలెను . నేలకు ఆనకుండా ట్యాంక్ నిర్మించవలెను . ట్యాంక్ లో ఈశాన్య భాగములో పడమట చూస్తూ నీరు పడుట
మంచిది . నీరు బయటకు వచ్చు మార్గము , కడిగెడు నీరు పోవు మార్గము సైతము ఈశాన్యములోనే ఉంచవలెను . పైన మూతతో మూయవలెను . పై మూతలు
తూర్పు , ఉత్తర వాలు కల్గి ఉండవలెను . పిడుగుల హైవోల్టేజి కరెంటు ఎర్త్ చేయుటకు పెట్టే త్రిశూలము , శూలము మొదలగునవి నైఋతి భాగములో ఏర్పాటు
చేయవలెను .
91. నైఋతి భాగములో ఎత్తైన చెట్లు పెంచుట మంచిది . గృహ సముదాయములో పరిశ్రమలలో నైఋతి లోని గృహము ఎత్తుగాను తతిమా గృహముల కన్న వైశాల్యము
పెరిగి ఉండవలెను .
92. నైఋతి భాగము ఎప్పుడూ మూసి ఉంచుట మంచిది . స్థలములో నైఋతి తెరిపిగా ఉన్న ఎత్తుగా చుట్టిల్లు వేయవలెను . ఖాళీ స్థలములందు గృహము కట్టబోవు
స్థలమునందు , అన్ని స్థలములందు ఎల్లప్పుడూ నైఋతి మూసి ఉంచవలెను .
93. నైఋతి భాగములో చంద్రనాడి పల్లమైన గుండె పైనను సూర్యనాడి పల్లమైన కాళ్ళు , చేతల మీదను తన ప్రభావమును చూపును . నైఋతి భాగము అంతయు
పల్లముగా ఉన్న , హార్ట్ ఎటాక్ , కాన్సర్ , డిప్రషన్ , మెదడు , విషయములందు తగు శ్రద్ధ వహించవలెను .
94. నైఋతి భాగములో లెట్రిన్ నూతుల నుంచరాదు . గృహమునకు తూర్పు ఉత్తర ఈశాన్యములలో బావికి దూరముగా , గోడ శూలలోను , ద్వారములలోకి రాకుండా
లెట్రిన్ నూతులు ఉంచవలెను .
95. నైఋతి భాగములో చంద్రనాడిలో పెద్ద కిటికీ ఉన్నచో ఆ గృహములో ప్రేమతత్వము పెరుగును . పరిశ్రమలలో , షాపులలో పని చేయుచున్న వారికి నైఋతి లోని చంద్రనాడి గాలి అవసరము . అలసట రానీయదు . వాస్తవమైన ఆలోచనలను కల్గించును .
96. " నాడీ " శాస్త్రములలో చంద్రనాడి ప్రభావము లన్నియు నైఋతి భాగమునకు చెందును . ధ్యానమునకు మంచి స్థలము . ఆసనములలో శీర్షాసనము , హలాసనము ,
మయూరాసనములకు మంచి స్థలము . డాక్టర్లకు శస్త్ర చికిత్సకు మంచి స్థలము . వెయిట్ లిఫ్టర్స్ కు మంచి స్థలము . స్త్రీ , పురుషుల సంగమమునకు మంచి స్థలము .
97. నైఋతి భాగములో ఎటువంటి వీధి శూలలు మంచిది కాదు . నైఋతి భాగములో ఇండిగో రంగు పూలు పూచే మొక్కలు బాగుగా పెరుగును .
98. గృహ నిర్మాణములో ప్రారంభము ఈశాన్యములో చేసినను , నిర్మాణములో నైఋతి భాగమును ముందుగా ఎత్తుగా కట్టుచూ ఉండవలెను . గృహ నిర్మాణము పూర్తి
అయ్యేవరకూ ఈ నియమమును పాటించవలెను . ప్రతి గదికి నైఋతి భాగములో మిద్దెలు , అటకలు ఉండవచ్చును .
99. నైఋతి భాగములో " శివుని " " వినాయకుని " ఉంచి పూజించవలెను . ధాన్యపు గాదెలలో , గోదాములో ,
పరిశ్రమలలో , షాపులలో , హాస్పిటల్స్ లో అన్ని చోట్ల నైఋతిలో వినాయకుని ఉంచి పూజించవలెను . గంట
శబ్ధమునకు స్థానము .
100. నైఋతి భాగము 90o కోణము కల్గి ఉండవలెను . నైఋతి భాగములోని దోషములను ఇండిగో రంగుతోను " సం "
బీజాక్షరముతోను నివారించవచ్చును .
101. మీరు మీకున్న సర్వశక్తులనూ ఉపయోగించవలెనన్న తూర్పునకు చూస్తూ నైఋతిలో కూర్చొనవలయును .
102. తూర్పు ప్రహరీ , తూర్పు అరుగులు పురుష సంతతిపైనను , ఉత్తర ప్రహరీ , ఉత్తర అరుగులు స్త్రీ సంతతిపైనను ( పెండ్లి అయి వెళ్ళినను ) తన ప్రభావమును
చూపును .
103. గృహమును గాని స్థలమును గాని వాటాలు చేసినపుడు మొదటి సంతానం నైఋతి , రెండవ సంతతి ఆగ్నేయము , మూడవ సంతతి వాయవ్య భాగమును , నాల్గవ
సంతతి ఈశాన్య భాగములో ఉండవలెను . గృహములో తూర్పు , పడమర దోషములు యజమాని , మగ సంతతిపైనను , ఉత్తర , దక్షిణ దోషములు యజమానురాలు ,
స్త్రీ సంతతిపైనను తన ప్రభావమును చూపును .
104. " మంత్రము " - " తంత్రము " - " యంత్రము " అనునవి మూడు శక్తులు . మనము వాస్తులో " యంత్రము " అను శక్తిని మాత్రమే ఉపయోగించుచున్నాము .
తతిమా రెండు శక్తులను ఉపయోగించుట వలన సంపూర్ణత కల్గును . గృహయజమాని చేసిన ఈ శక్తులు ఫలితమిచ్చును గాని , ఇతరులు ( అన్యులు ) చేసిన ఈ
శక్తులు ఫలితములు నీయవు . కనుక మంత్ర , తంత్రములను సునిశిత దృష్టితో పరిశీలించి స్వయముగా సాధన చేసి " బీజాక్షర , గణిత " శక్తుల ద్వారా మన
మెదడులోని శక్తిని పెంపొందించు కొని సంపూర్ణతను సాధించవలయును .
105. తోబుట్టువులకు వస్త్రములను ఇచ్చి ఈశాన్య లోపము , సోదరులకు వస్త్రములు ఇచ్చి ఆగ్నేయ లోపమును , గురువునకు , పెద్దలకు వస్త్రములు ఇచ్చి వాయువ్య
లోపమును , తల్లిదండ్రులకు , దేవుని విగ్రహములకు వస్త్రములు ఇచ్చి నైఋతి లోపమును సరిచేయవచ్చును . మనము చేసే నిత్య పూజలో " తీర్థ , ప్రసాదములు "
ఈశాన్యము , " దీపారాధన " ఆగ్నేయము , " సహస్రనామములు , గంట శబ్ధము , కీర్తనలు " వాయవ్యము , " కండ్లు మూసుకొని దేవునికి నమస్కారము చేయుట "
నైఋతి .
" వినాయక " " శివ " స్తోత్రములు నైఋతి ; " విష్ణుమూర్తి " " రాముల వారు " స్తోత్రములు ఆగ్నేయము ; " సరస్వతి " " ఆంజనేయ స్వామి "
స్తోత్రములు వాయువ్యము ; " లక్ష్మి " " రాజరాజేశ్వరి " " అన్నపూర్ణ " " గంగ " స్తోత్రములు ఈ శాన్యము .
న్యూమరాలజీలో 1, 5, 9 ఈశాన్యము ; 2, 6 ఆగ్నేయము ; 4, 8 వాయువ్యము ; 3, 7 నైఋతి .
మన శరీరములో చేతులు , నాలుక - ఈశాన్యము ; ఉదరము , కళ్ళు - ఆగ్నేయము ; ఊపిరితిత్తులు , చెవులు , పెదిమలు - వాయవ్యము ; మెదడు - నైఋతి .
వైద్యములో " కఫ " దోషములు - ఈశాన్యము ; " పిత్త " దోషములు - ఆగ్నేయము ; " వాత " దోషములు - వాయవ్యము .
హస్త సాముద్రికములో లైఫ్ మరియు మెంటల్ - నైఋతి ; హర్ట్ లైన్ - వాయవ్య ; సూర్య , చంద్ర - ఆగ్నేయ ; ఫేట్ లైన్ - ఈశాన్య .
గ్రహములలో " శుక్ర " " చంద్ర " - ఈశాన్యము ; " బుధ " " సూర్య " - ఆగ్నేయము ; " గురు " - వాయవ్యము ; " శని " " కుజ " - నైఋతి .
మెదడులోని " ఆక్యుపెటల్ లోబ్ " మణిపూర , ఆగ్నేయ భాగము మీదను ; " ఫ్రంటల్ లోబ్ " - ఆజ్ఞ , నైఋతి భాగము మీదను ; " టెంపోరల్ లోబ్ " విశుద్ధ ,
వాయవ్య భాగము మీదను ; " సెంట్రల్ లోబ్ " స్వాధిష్టాన , ఈశాన్య భాగము మీదను తన ప్రభావమును చూపును .
మెదడులోని " సెరిబ్రల్ కార్టెక్స్ " నందు నాలుక , వేళ్ళ చివరలు , జననేంద్రియము - ( స్వాధిష్టాన - ఈశాన్య ) ; పెదిమలు ( విశుద్ధ - వాయవ్య ) కు ఎక్కువ
స్పర్శస్థానము కల్గి వాటి యొక్క " సునిశిత తత్వము " ను సూచించుచున్నది . ఇదే విధముగా మన స్థల నిర్ణయము నందు ఈశాన్య (స్వాధిష్టాన) వాయవ్య (విశుద్ధ) భాగములకు ఖాళీ స్థలమును కేటాయించి , స్థలము మరియు గదుల యొక్క సునిశిత తత్వమును పెంపొందించవచ్చును .
106. దక్షిణము నుండి వచ్చు గాలి అన్ని గదుల లోనికి ప్రవేశించి ఏ వరుసలోనైనను ఈ చివర నుంచి ఆవల చివర వరకూ ద్వారములు ఉన్నను , ఇంటి ఆవరణలో
గాని , ఇంటిలో గాని , పువ్వులు పూయని మొక్కలు గాని , లతలు గాని ఉన్నచో ఆ గృహములోని వారికి ప్రాణశక్తి పెరిగి ప్రేమ తత్వము పెరుగును . ఇదియే
యోగములోని " అనాహత " .
107. గృహములలో బీములు క్రింద , ఆగిపోయిన గోడల చూపులలోను , ద్వారములకు ఎదురుగా నిద్రించుట గాని , కూర్చొనుట గాని చేయరాదు . గృహములోని చిన్న
తేడాలను " కర్టెన్లు " కట్టి సరిచేయండి . ఖాళీ స్థలముల తేడాలను చిన్న దడులతోను , అల్లికలతోను , నాపరాళ్ళతోను , చుట్టిల్లు నిర్మించి సరిచేయండి . మరుగు
దొడ్డిలో ఉత్తరము గాని దక్షిణము గాని చూస్తూ కూర్చొనవలయును . ఎందుచేతననగా అలా కూర్చున్న యెడల చంద్రనాడి ప్రభావము పెద్ద ప్రేగులపై చూపించును .
108. మనకు సర్వమును ఇచ్చునవి భూమి , నీరు , వాయువు , ఆకాశము . వీటిని ఉదయము మరియు నిద్రపోవు సమయము నందు స్మరించి తద్వారా శాంతిని
పొందవలయును .
పృధివిః శాంతిః ( భూమి )
ఆపః శాంతిః ( నీరు )
అగ్నిః శాంతిః ( అగ్ని )
వాయుః శాంతిః ( వాయువు )
అంతరిక్షగం శాంతిః ( ఆకాశము )
ఓం శాంతి శాంతి శాంతిః
అని అరచేతులను రుద్దుకొని రెండు చేతులతో కళ్ళ నుండి పాదముల వరకూ శరీరము అంతటినీ నిమరవలెను .
గృహములోని పంచ భూత శక్తి ( భూమి , నీరు , అగ్ని , వాయువు , ఆకాశము ) మన మెదడులోని మరియు నాడీ మండలము పై తన ప్రభావమును చూపి , మన ఆలోచనా క్రియాదులను మార్పు చేయుచున్నది . అదే విధముగా గృహము లోని వాస్తును సరిచేసి వాస్తు శక్తిని మనకు అనుకూలముగా మార్చుకొని సుఖశాంతులను , ఆనందమును పొందవలెను .
ఓమ్
మనకు సాధ్యమయిన ఆసనములో కూర్చొని కండ్లు మూసుకొని " ఓమ్ " ను జపించవలయును . ముందుగా మీరు వెన్నుపూస కదలకుండా పీల్చ గలిగినంత గాలిని పీల్చి " ఓ " ను ఉచ్చరించుచూ రెండు పెదవులను మూసి " మ్ " ను దీర్ఘముగా చెప్పవలయును . అనగా పెదవులు తెరచి తక్కువ సేపు , పెదవులు మూసి ఎక్కువ సేపు ఉచ్చరించవలయును . " ఓ " ను గొంతు నుండి , " మ్ " ను నాభి నుండి వచ్చునట్లుగా ఉచ్చరించవలయును . ఈ ఉచ్చారణ సమయములో కనుగుడ్లు పైకి ఎత్తుచూ భ్రూమధ్యములో వెలుగు చూచుటకు ప్రయత్నించవలెను . ప్రతిరోజూ ఒకే సమయములో నియమముగా చేయవలయును . ఈ విధముగా చేయుట వలన " పారాసింపథిక్ " నరములకు ఉద్దీపన కల్గి మనకు ఆనందము కల్గును . మెదడులోని " న్యూరానుల " నశింపు తగ్గును .
మనస్సు : ధ్యానము ( మీకిష్టదేవుని గాని , ప్రదేశమును గాని ఊహించుచూ )
ఆనందము : ప్రతిరోజు కుటుంబ సభ్యులతో 20 నిమిషములకు మించి ఇష్టాగోష్టి
ప్రాణశక్తి : ప్రాణాయామము , " ఓమ్ " జపము .
శరీరము : " సూర్య నమస్కారములు " ఉదయపు నడక .
జ్ఞానము : ప్రతిరోజూ పుస్తక పఠనము , జ్ఞాన సంపన్నులతో మైత్రి .
ప్రపంచములోని అందరికి ఆయుర్ ఆరోగ్య ప్రాప్తిరస్తు !
ప్రపంచములోని అందరికి మానశిక ప్రశాంతత అభివృద్దిరస్తు !
ప్రపంచములోని అందరికి సకల ఐశ్వర్యాభి వృద్దిరస్తు !
ప్రపంచములోని అందరికి ఇష్ఠ కామ్యార్థముల్ సిద్ధిరస్తు !
ప్రపంచములోని అందరికి శుభమస్తు !
శ్రీ శ్రీ శ్రీ
శ్రీ శ్రీ
శ్రీ